الهاشمي الحامدي: توضيحات مهمة، أفصل فيها القول باللهجة التونسية

ثلاثة توضيحات مهمة برشا، خاصة للشباب التونسي، وباش نتحدث فيها دغري، بالفلاقي، وبكل صراحة

ــ أولا. معلق سألني: يا دكتور هاشمي الحامدي علاش مبنيتش معامل في الولايات المهمشة كما القصرين وسيدي بوزيد…انت رجل ثري؟؟؟!!!ّ. فأجبته بما يلي: عطيت 50 مليون لجمعية القصرين و50 مليون لاولمبيك سيدي بوزيد و50 مليون لجمعية بن قردان، وحوالي 150 مليون أخرى لعائلات شهداء الجيش، وناوي نعطي 60 مليون لجمعية الفصل 12 اللي باش تعطي قروض لاربوية للباعثين الشبان اللي يخدموا معاهم زوز من الناس.
ثلاث مائة وستين (360) مليون في الجملة تقريبا. هذاكا اللي قدرت عليه. والفلوس هذي الكل دفعتها بعد انتخابات 2014 موش قبلها باش ما تبقوش تخمموا يمين ولا يسار
بجاه ربي جيبولي اسم سياسي واحد تعرفوه عمل خير من هكا؟ اشبيكم يا توانسة اللي يخدمكم تسبوه، واللي يتنفخ عليكم تعشقوه؟ اشبيكم مكبشين تسبوا في الهاشمي الحامدي، رغم أنكم ما شفتوا مني كان الخير، وفرحانين بالباجي وحافظ ولدو وسليم الرياحي والغنوشي قريب تبوسوا الأرض اللي يمشوا عليها؟
يا خي كيفاش: تحبوني الا نولي كيفهم باش تقولوا علي كليمة خير؟

ـــــــــ

ــ ثانيا: معلق آخر كتب في صفحتي في فيسبوك: “جميع الأحزاب تجار كلام والغاية الكرسي الملعون”. المشكلة أنو برشا توانسة عندهم نفس الرأي. اش نعملوا يا اولاد بلادي؟ نبطلوا جد بو ها السياسة ونخلوها لحافظ قايد السبسي وراشد الغنوشي وسليم الرياحي؟
توا هذا كلام يا عباد الله. ياخي في رايكم كيما تيار المحبة اللي يدافع على البطال والفقير ويحب يحارب الفساد والتهرب الجبائي، كيما أحزاب الرباعي الحاكمة اللي للمرة الثالثة تحب تعاود تمرير قانون المصالحة الاقتصادية وضيعت البلاد في الديون والميزيرية والفقر والفساد والبطالة وما نفذت حتى شيء من وعودها الانتخابية عام 2014؟
يا ناس خافوا ربي واعدلوا وقولوا كلمة الحق.

ـــــــــ

ثالثا: واحد يقول عليا شعبوي. ولاخر يكذب يقول وعدت الناس نرجع الخبزة ب100 مليم. يا ناس: الباجي ونداء تونس وعدوكم ب125 مليار دينار للتنمية والاستثمار، وتشغيل 450 ألف بطال. صورتوش منهم حاجة؟ النهضة وعدتكم ب6% نسبو نمو سنوي للاقتصاد. هاي تحكم هي والنداء وسليم الرياحي وياسين ابراهيم، والبلاد في الزيرو والدينار كل نهار طايح بالزيادة.

أنا عمري ما قلت الخبزة ب100 مليم. والله ما قلت هذا يوما. ولا وعدتكم ب125 مليار دينار كيما سي الباجي. راني متخرج من جامعة لندن، ونخدم في السياسة التونسية ملي عمري 19 سنة. أنا قلتلكم 2 مليار دينار فقط من ميزانية البلاد اللي هي 29 مليار دينار، باش نضمنوا بيها الحد الأدنى من العدالة الإجتماعية. سميتوني أنا شعبوي ومنحتم أصواتكم للباجي والغنوشي وسليم الرياحي. آش صورتوا منهم يا توانسة؟

ــــــــــــــ

الخلاصة: على كل حال، أنا بحول الله موش ناوي نسيب ولا ناوي ننسحب. باش نكمل في ها الطريق  بحول الله ونتحمل السب والشتم ونواصل خدمة بلادي، أدعو بعون الله صادقا مخلصا للعدالة الإجتماعية، ومحاربة الفساد، وللعدالة الجبائية ، وكلمة السر عندي هي العدل.

برنامجي تلقوه بالتفصيل في صفحتي في فيسبوك وفي صفحتي في الانترنت:

https://alhachimi.wordpress.com/

انتوما تعرفوا: 200 ألف تونسي تقريبا صوتوا لي في رئاسيات 2014 ويظهرلي أن من واجبي باش نخدمهم ونكون صوت لأشواقهم ومطالبهم. لذا، اللي يحب منكم يعاوني في خدمة البلاد، مرحبا به. هنا رابط الإنخراط في حزب تيار المحبة:

https://docs.google.com/forms/d/e/1FAIpQLScvacH2athxoO6E4xJu_K9ibPGdPftzS5C7EPxHpe9FoNKnfw/viewform

واللي يحب منكم يترشح معانا في الإنتخابات البلدية ضمن قائمات حزب تيار المحبة ويخدم أهلوا ومنطقتو بالصدق والنزاهة ونظافة اليد، فهذا رابط تقديم الطلب:

https://docs.google.com/forms/d/e/1FAIpQLScW-XsiwOWijFmUpAIVMAvClnnZaF4uMEIPV6K1ua8c7Sn7eA/viewform

واللي يحب يراسلني بالبريد الالكتروني فهذا عنواني:

alhachimi@btconnect.com

واللي يحب يتواصل بالتلفون أو بالفاكس هذا رقم التلفون والفاكس: 71354385

وهذي أرقام مباشرة لرئيس المكتب التنظيمي للحزب الأخ  محمد الصحبي: 20539857 أو 92400025 أو 53092711

وهذا رقم عضو المكتب التنفيذي للحزب الأخ عصام برقوقي: 98104444

هذا ولكم سلامي وتحياتي، وربي يحفظ تونس واماليها الكل. آمين.

Mohamed Elhachmi Hamdi (Ph.D), SOAS graduate (University of London), Leader of Tayyar Al Mahabba Party in Tunisia and fourth placed presidential candidate in the 2014 elections; author of “the Politicisation of Islam” (Colorado: Westview Press, 1988); “The Making of an Islamic Political Leader” (Colorado: Westview Press, 1988); “Muhammad for the Global Village” (Riyadh: Maktaba Dar-us-Salam, 2008). Email: info@alhachimi.org

0 comments on “الهاشمي الحامدي: توضيحات مهمة، أفصل فيها القول باللهجة التونسية

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s

%d مدونون معجبون بهذه: